Subscribe:Posts Comments

You Are Here: Home » Aktualitet » Greqia, marreveshje per faljen e borxhit

Greqia, marreveshje per faljen e borxhit

Greqia, marreveshje per faljen e borxhit

Greqia deklaroi të premten se ka marrë mbështetjen e mjaftueshme për të çuar përpara një marrëveshje të faljes së pjesshme të borxhit, një kusht për marrjen e kredisë së radhës, që do të shpëtojë financat e vendit helen nga falimentimi.

85,8% e mbajtësve të borxhit grek, të cilat i nënshtrohen ligjeve greke dhe 69% e mbajtësve ndërkombëtarë të borxhit të deritanishëm, kanë pranuar projektin, deklaroi Ministria Greke e Financave.

Greqia, marreveshje per faljen e borxhit

Me një shumicë dërrmuese që mbështet Athinën, ajo tashmë mund të imponojë që edhe kreditorët e pabindur të marrin vetëm më pak se gjysmën e shumës së huazuar.

Deri tani, autoritetet greke kanë rinegociuar një borxh me vlerë prej 172 miliardë eurosh, ndërsa kreditorët kanë
Në emër të Republikës së Greqisë, dua të shpreh vlerësimin tim për të gjithë ata kreditorë që kanë mbështetur programin tonë ambicioz të reformimit, duke ndarë edhe ata sakrificat e popullit grek në arritjen e këtij objektivi historik pranuar humbje deri në 74% të shumës së investuar.

“Në emër të Republikës së Greqisë, dua të shpreh vlerësimin tim për të gjithë ata kreditorë që kanë mbështetur programin tonë ambicioz të reformimit, duke ndarë edhe ata sakrificat e popullit grek në arritjen e këtij objektivi historik”, deklaroi Ministri i Financave, Evangelos Venizelos.

“Greqia do të vazhdojë të zbatojë masat e domosdoshme për një ristrukturim financiar. Jemi të përkushtuar në avancimin e reformave strukturore, të cilat do të rikthejnë Greqinë në rrugën e rritjes financiare”, shtoi Venizelos.

Bashkimi Europian dhe Fondi Ndërkombëtar Monetar vendosën një sërë kushtesh për Greqinë, në marrjen e kredisë prej 130 miliardë eurosh, pa të cilën vendi do të ishte i detyruar të deklaronte falimentimin brenda muajit. Rinegocimi i borxhit me kreditorët privatë ishte pjesë e këtyre kushteve. (Top Channel / Lezha.eu)

Leave a Reply

© 2012 Lezha Online · Subscribe:PostsComments · Designed by Theme Junkie · Powered by WordPress